សភាពអឺរ៉ុបស្នើឲ្យគណបក្សជាប់ឆ្នោតទាំងពីរបន្តចរចាគ្នា
MONDAY, 23 SEPTEMBER 2013 លាង ផាន់ណារ៉ា
ភ្នំពេញៈ សហភាពអឺរ៉ុប បានចេញសេចក្តីថ្លែងការណ៍មួយ អំពាវនាវដល់គណបក្សជាប់ឆ្នោតទាំងពីរ គឺគណបក្សប្រជាជនកម្ពុជា និងគណបក្សសង្គ្រោះជាតិ ឲ្យបន្តកិច្ចពិភាក្សាគ្នា ដើម្បីឲ្យសមាជិកសភា ដែលត្រូវប្រជាពលរដ្ឋកម្ពុជាបោះឆ្នោតឲ្យនោះ អាចបំពេញការងាររបស់ខ្លួនបានពេញលេញ។ សម័យប្រជុំសភាដំបូង ត្រូវបានបើកនៅថ្ងៃនេះ ក្រោមអធិបតីភាពព្រះមហាក្សត្រ និងមានតែតំណាងរាស្ត្រគណបក្សប្រជាជនកម្ពុជាប៉ុណ្ណោះ ក្នុងនោះក៏មានបណ្តាអង្គទូតនានា និងសហភាពអឺរ៉ុបចូលរួមផងដែរ។ សហភាពអឺរ៉ុប មានជំនឿថា រដ្ឋសភាថ្មី ដែលបានបើកកិច្ចប្រជុំ នាព្រឹកថ្ងៃទី២៣ កញ្ញា មិនអាចដំណើរការទៅបាន ដោយគ្មានការចូលរួមពីគ្រប់គណបក្សជាប់ឆ្នោតនោះទេ។ ក្នុងសេចក្តីថ្លែងការណ៍ចេញផ្សាយនៅថ្ងៃចន្ទនេះ សហភាពអឺរ៉ុប ក៏បានសម្តែងក្តីបារម្ភលើជម្លោះ ដែលកើតចេញពីភាពមិនប្រក្រតីនៃដំណើរការបោះឆ្នោត ហើយបន្តអំពាវនាវដល់គណបក្សនយោបាយទាំងអស់ ឲ្យធ្វើការជាមួយគ្នាបន្តទៀត ក្នុងការដោះស្រាយភាពមិនប្រក្រតីនៃដំណើរការបោះឆ្នោត ដើម្បីឈានទៅ…
