ស្តេចគម្លង់៖ អាថ៌កំបាំងអំពីមូលហេតុ នៃព្រះរាជាកើតឃ្លង់សម័យអង្គរ
ឃ្លង់ជាជំងឺសើស្បែក បណ្ដាលឲ្យស្បែកឡើងកន្ទួល ពក មានទាំងកមរមាស់ ដំបៅហើយដែលធ្វើឲ្យ អវយវៈ(ដៃជើង)មានភាពក្ងែងក្ងង់ប្រកបដោយរាងកាយអាក្រក់ក្រៃលែង។ បើផ្អែកតាមប្រវត្តិសាស្ដ្រ កម្ពុជា ក៏បានបង្ហាញថា មានព្រះមហាក្សត្រ ឬ ព្រះរាជាកើតជំងឺឃ្លង់ផងដែរ ទើបគេបានដឹងបន្ដមកដល់ពេលនេះថា ស្ដេចគម្លង់ព្រោះគេឃើញមានបដិមាស្ដេចកើតឃ្លង់ ដូចជា នៅតាមទីលានស្ដេចគម្លង់នៅខាងជើង ជាប់នឹង ទីលានបញ្ជល់ដំរី។
ជាពិសេសនៅភ្នំពេញ ក៏គេឃើញបដិមាស្តេចគម្លង់នៅខាងមុខវត្តឧណ្ណាលោម ផងដែរ ។ បើផ្អែកតាមឯកសារតំបន់ទេសចរណ៍នៃព្រះរាជណាចក្រកម្ពុជា បោះពុម្ពលើកទី២ របស់លោកកែវភួងឆ្នាំ២០០៥បានបញ្ជាក់ក្នុងទំព័រ ១២៧ បានឲ្យដឹងថា ព្រះលានស្តេចគម្លង់កសាងឡើងនៅចុងសតវត្សរ៍ទី១២ ដោយព្រះបាទជ័យវរ្ម័នទី៧ មានគ្រឹះប្រហែល២៥ម៉ែត្រនិងមានកម្ពស់៦ ម៉ែត្រ។ ឈ្មោះរបស់ព្រះលាននេះគឺ គេហៅដោយយោងទៅតាមបដិមាជារូបសំណាកនៃស្តេចកើតឃ្លង់គង់នៅរានហាលនៃព្រះលាន។
រូបសំណាកអំពីថ្មនោះអង្គុយលុតជង្គង់ខាងស្តាំ ។ រូបសំណាកសព្វថ្ងៃជារូបសំណាកចម្លាក់ទេ ឯរូបពិតគឺតាំងនៅក្នុងសារ…
