គន្លឹះល្អបំផុតក្នុងការសន្សំលុយ គឺត្រូវចេះគ្រប់គ្រងអារម្មណ៍ហឺុហារបស់អ្នកឲ្យបាន ជាមុនសិន
ដើម្បីក្លាយទៅជាអ្នកមានបាន លោកអ្នកត្រូវតែចេះរក្សា គ្រប់គ្រង និងចាត់ចែងលុយកាក់ របស់អ្នកប្រកបដោយប្រសិទ្ធភាពខ្ពស់បំផុត។ មិនមែនឱ្យតែមានលុយ អ្នកចេះតែចាយតាមចំណង់របស់អ្នកនោះទេ។ ដើម្បីឱ្យការចាយលុយរបស់លោកអ្នកមានប្រសិទ្ធភាព លោកអ្នកត្រូវតែចំណាយតាមការគ្រោង ដែលរាប់បញ្ចូលទាំងអ្វីដែលសំខាន់ត្រូវទិញបន្ទាន់ និងអ្វីដែលមិនទាន់សំខាន់។ ហើយអ្នកក៏ត្រូវដាក់កំហិតខ្លួនឯង ក្នុងការចាយវាយអោយត្រឹមត្រូវផងដែរ។ ខាងក្រោមនេះគឺជាគន្លឹះសំខាន់ៗដែលមហាសេដ្ឋីបានចែករំលែកស្ដីអំពីការសន្សំលុយ៖ ១. ចំណាយលុយលើខ្លួនឯងជាមុនសិន តើអ្នកនឹងធ្វើអ្វីមុនគេ នៅពេលដែលលោកអ្នកទទួលបានសែកដែលគេសងលុយ? តើលោកអ្នកគួរតែចំណាយជាមុន រួចហើយសល់ប៉ុន្មានទុកសន្សំ ឬក៏ទុកសន្សំមុន រួចទើបចំណាយ? គន្លឹះដ៏ល្អដែលអ្នកគួរធ្វើនោះគឺ អ្នកត្រូវកាត់ចំណែកសម្រាប់ខ្លួនឯងជាមុន មុននឹងលោកអ្នកចំណាយលុយកាក់ទាំងនោះទៅវិញ។ ២. ធ្វើផ្ទះរបស់អ្នកឱ្យសាមញ្ញ មានមហាសេដ្ឋីខ្លះបានរស់នៅក្នុងវិមានដ៏ល្អប្រណិត ដែលផ្ដល់ភាពស្រណុកសុខស្រួលយ៉ាងក្រៃលែងដល់ពួកគេ។ ប៉…
