ស្វែងយល់ពីយុទ្ធសាស្ត្រ ទស្សនៈ ក្នុងរឿងសាមកុក

ស្វែងយល់ពីយុទ្ធសាស្ត្រ ទស្សនៈ ក្នុងរឿងសាមកុក

សាមកុក ( ឬ នគរទាំងបី ) គឺជារឿងភាគនិទានពីបុរុមបុរាណរបស់ចិន ដ៏ល្បីល្បាញ។ យោងតាមប្រវត្តិសាស្ត្រប្រទេសចិន នៅអំឡុងឆ្នាំ ១៨៤ ដល់ ២៨០ នៃរាជ្ជកាលស្តេចហាន ក្រុមស្តេចចិន និងមេទ័ពចិន បានប្រើល្បិចគ្រប់លទ្ធភាពដែលអាចធ្វើទៅបាន ក្នុងការធ្វើចម្បាំង ដើម្បីដណ្តើមទឹកដីគ្នាទៅវិញទៅមក។ ហើយក្នុងពេលនេះ រឿងសាមកុកបានជ្រោតជ្រៀបក្នុងស្រទាប់យុវវ័យកូនខ្មែរ​នាពេលបច្ចុប្បន្ន ព្រោះរឿងភាគនេះបានបង្កប់នូវ ល្បិច យុទ្ធសាស្ត្រ របៀបប្រើមនុស្ស វិធីសាស្ត្រសង្គ្រាម ការដឹកនាំទ័ព ដែលល្បិចយុទ្ធក្នុងរឿង សាមកុក នេះ ភាគច្រើនជា ល្បិចបំបែកបំបាក់ បំផ្លាញកំទេច និងទិញទឹកចិត្តដៃគូរប្រឆាំងរបស់ខ្លួន។ ដូច្នេះ ដើម្បីជាប្រយោជន៍ក្នុងការក្រេបយកចំណេះដឹងពីរឿងភាគនិទាន សាមកុក នេះ និងដើម្បីជ្រើសយកទស្សនៈល្អៗពីក្នុងសាច់រឿង ខ្ញុំនឹងចំណាយពេលខ្លះៗ ដើម្បីប្រមូលផ្តុំគំនិត និងទស្សនៈក្នុងរឿងនេះ ក្នុងការរួមចំណែកចែករំលែកគំនិត ជាគ្រឿងប្រដាប់បញ្ញាស្មារតី និងបង្កើនចំណេះដឹងថ្មីៗផងដែរ។ សូមបញ្ជាក់ថា ៖ ការធ្វើនេះមិនមែនដើម្បីការឈ្លក់វង្វេង ឬប្រៀបធៀបខ្លួនទៅនឹងតួអង្គណាមួយនៃសាច់រឿងនេះទេ គឺគ្រាន់តែចង់ស្រង់យកនូវគំនិតទស្សនៈប៉ុណ្ណោះ។ សូមអរគុណ! បញ្ជាក់ថា៖ ក្នុងសាច់រឿងខា…